شعبي الحبيب

شعبي الحبيب

يا راكبين عربيات

وماشيين في الشارع

وعمالين تقولوا

بيب..بيب

لا انتم من التخلف حتخرجوا

ولا انا من الحكم حسيب

كفاية عليكم دولار

في اليوم

منين ليكم فلوس اجيب

رئيس الوزرة حرامي

والوزرة نصابين

وانا ورايا كام عملية تهريب

وقال عايزين في

البلد سيستم

وعايزين نظلم وترتيب

يا معفنين

انتم اية؟

هبل

متخلفين

شويةكراكيب

بتقولوا علي نفسكم عظما

!علي اية؟

علشان كام فنان

علي كام اديب

وقال المعارضة بتقول

اني بمر بوقت عصيب

والشعب ابن الكلب

بيدعي علية

وبيقول علي عصري

زمن كئيب

!لية دة كلة؟

علشان كام عاطل

علي كام تعذيب

مادة كلة موجود

من ايام

الملك فاروق

والريس نجيب

انا اساسا ما كنتش عاوز امسكم

لكن اعمل اية

كل حاجة

قسمة ونصيب

بس انا برضة بحبكم

وحعملكم مفاجأة

حيمسكم جمال ابني

انشاء الله

عن قريب